السلام عليكم ورحمة الله وبراكته
كيف الحال بنات ؟شلونكم مع جلسة البيت اكيد كله فاضين ولاعندكم شغل
اجل شوفو بكرة ادخلو المطبخ وسوو هالبرياني مرة حلو اناسوييييته واهلي ماتو عليه
المقادير :
دجاج تقطعينه وشيلي الجلدة طبعا وتنقعينه قبل بوقت في خل وثوم وملح وليمون
علبتين زبادي او 3بالكثير
بصل مقطع دوائر بس يكون كثير
فليفله خضراء مقطعة دوائر
بهار كاري موجود ومتوفر في البقالات
شرايح ليمون
ملعقتين من بهارات بيتكم
مسمار وهيل ودارسين الطريقة :
تاخذين القدر وتحطين الزيت او الزبدة على راحتك تخلينه يحمى شوي ثم تحطين البصل الحلقات وتخلينه يذوب شوي بعدين تحطين حلقات الفلفل الأخضر وتخلينه يطبخ مع البصل وحطي ماجي معهم
بعدين خذي الدجاج المنقعته وحطيه عليهم وخليه يطبخ شوي ثم حطي عليه البهار الكاري وخلطيهم واثناء ماتخلطين حطي شوي مسمار ودارسين والبهارات الي في بيتكم علشان تروح زفرة الدجاج
بس أهم شي الكاري هعو اللي يطلع الطعم حلو
بعدين حطي تقريبا 3 شرايح ليمون وخليهم يطبخون الين تحسين الدجاج استوى تقريبا
الحين خذي علبتين الزبادي وحطيهم على الدجاج وحطي معهم كركم بس لاتكثرين بس علشان يعطي لون يعني وخليهم يطبخون اليييييييييين خلاص يستوي الدجاج عدل
واثناء مايطبخ تاخذين قدر ثاني وتسوين فيه رز مشخول ابيض عادي بس ملحيه شوي
اذا استوى كل شي انتبهي مو تخلطين كشنه الدجاج مع الرز لالالالالا
اول شي قدر الرز اذا استوى وشخلتيه تاخذين فنجال فيه ماي ورد وزعفران وتخلطين الرز ابه يعني يصير الرز الوان جزء ابيض وجزء احمر فاتح وكذا يعني
الحين لجيتي بتحطين الأكل في صحن التقديم تاخين اول جزء من الرز وتحطينه بعدين تاخذين كشنة الدجاج ونحطينها كلها بعدين تغطينها بباقي الرز يعني يصير 3 طبقات بعدين تاخذين بصل مقلي مقطع طوال شوي مقلي بزيت وملح وتزيين به الرز من فوق
طبعا هذي المقادير على كيلتين ونص اذا بتسوين اكثر تزيدين الزبادي عشان مايصير ناشف الرز
وبالعااااافية على قلوبكم سسسسوها بنات ترى سهلة بسرعة يستوي ولذيذ فرحو امهاتكم انا امييي تشقققت من الفرحه يوم سويته مابقى احد ماقالت له هههههههههههههههههههه
الأربعاء أغسطس 18, 2010 2:06 pm
