يابعد عمري ياخلف كل من راح

قولي الحقيقه وخلي القلب يرتاح
غير الحقيقه مابقيت من لسانك

يمكن ترجع مامضى بعمري وراح
أبغي البراءه من تهايم زمانك

ودي الأمل يشعل مصابيح ألآفراح
ماجيت أدور فيك بقايا حنانك

ملعون حب حطم اقلوب وأرواح
يبكون على حالي حتى جيرانك

ماخذت من حبك سوى ضيم واجراح
طفيت نارك وحرقتني جنانك

من أخرج آدم غير حواء وتفاح
حبيبتي طيري وطلقي عنانك

خلي الحزن يكتب على كل الألواح
أنا الشهـيد اللي ولا يوم خـانـك

قفلت قلبي بقفل من دون مفتاح
حلفت مايسكنه أحد مكانك

يابعد عمري ياخلف كل من راح
من أهلي وأهلك وجملة جيرانك